آه من ريمٍ غزتني وسحرتني بالجمال
هي أميرة قلبي اللي تسكنه ومحدٍ معاها
ذوق يمشي في خطاها وكسرت عين الدلال
مشيها كله نعومة ياعسى تسلم خطاها
لا تثنت كنها غصنٍ تثنى واستمــــــــــال
فز قلبي من مكانه ثم ترك صدري وجاها
بعد كل اللي أشوفه جتني تسألني سؤال
عن محبتنا وهوانا لي متى آخر مداها
ليه صرنا تايهين وليه نقصر في الوصال
هو ملل والا النفوس تخاف تصدم في هواها
اسمعيني ياحياتي واستظلي في الظلال
نظرتك هذي لعيني أرخصت عيني فداها
تحسبين اني بدونك بأسعد بوقتي... محال!
وشهو حالي لو رحلتي واخسرت عيني ظناها
والله اني ماحتمل وضعي ولوهو بالخيال
عاد لو صارت حقيقه واختفيتي ياضياها
والله اني لأنتحر واكتب في قبري بالرمال
دنيةٍ ريمي جفتها والله انه ما وراهــــــــا...
موضوع: اهداء للريم... 
الثلاثاء يوليو 27, 2010 5:57 pm
الله يسلمـك يابعد راسي ... 